Lou nouvèu desplejant de coumunicacioun de l’IEO PACA

Lou pichot darrié dis doucumens pedagougi de l’Institut d’Estudis Occitano de Prouvenço-Aups-Costo d’Azur mérito d’èstre mes entre li mans de toutis li gens que s’intéréson de près o de luench à l’Occitan.

 Dins soun nouvèu doucumen, l’assouciacioun qu’a pèr toco la promoucion de l’Occitan, a mes l’accent sus la diversita di parla. Aquèu desplejant insisto subretot sus la diversita, la variéta dis dialèite Prouvençau e Alpins que de Niço à Nimo, en passèn pèr Briançon, fan de la lengo Occitano un important indicatou de l’estacamen au païs, d’aquelis qu’i sian nasu o que se n’en sian planta Caviha. Entre lis parlas d’Òc e encaro mai entre li dialèito eisistèn en régioun PACA, n’i-a uno réalo intercomprénéson.      Mai ço qu’es valablo pèr lou Prouvencau l’es tambèn pèr lou resto de l’Occitanio entre lou Prouvençau e lou Lengadocian pèr eisèmple).

Mai subretot vos n’en-suplique, pèr pieta, ne disès jamai pus « patoès» pèr parla d’uno lengo régiounalo o un dialeito. Aquèu « patoès » qu’es un barbarismo, un termo péjoratiu. L’Occitan e lou Francès son dis lengo romanico toutis dous. N’i-a pas uno qu’es infériouro à l’autro.

 

Es un pichot doucumen que lou fau difusa largamen.

Source: Aquo d'Aqui

Mirèio Mathieu: 50 ans de Cansoun

N’i-a quinjo jous, Mirèio Mathieu a festado lou jubileu de sis cinquanto ans de Carriero dins la vilo que l’a vist nèisse e grandi: Avignoun

 Aro, Mirèio Mathieu es pus gaire couneigudo pèr li jouino généracioun e médiatisado uno souciéta francésa que se trufo e n’a pas gaire de counsideracioun pèr uno de sis filho prodigo

Se dins soun propre Païs, la “damisello d’Avignoun”  es gaire recouneigudo, es uno vertadièro “Estello qu’a garda l’Acènt” que  despuei mita de sègle a conquisto lou mounde ème sis 130 Milliens de disco croumpats de la Russio i Estats-Unis, dóu Japon à l’Alemagno en 11 lengo (Francés, Alemand, Anglés, Italian, Espagnòu, Russo, Finés, Japonés, Chinés,  Catalan o Occitan). Aquesto cantairesso a enregistra pas mens de 1.200 cansouns.


Li 8 e 9 de nouvèmbro après l’Olympia, Mirèio es dounc revengudo urouso e aclamado dins la vilo de soun enfanço ounte sa carièro a débuta pèr un radio-cróc locau.

La Consultacioun Catalano

Dimenche passat, i’a agu en catalougno uno consultatioun sus l’independencio d’aquesto provincio espagnenco. Maugrat li préssiouns dóu gouvèr de Mario Rajoy, quasi 42.6% dis eleitour se son desplaça is urno.

Li Catalan devien respondre à dous questioun: ”Souvetas-vos que la Catalougno siegue un Estat?” e se vo “Souvetas-vos qu’el siegue independènt?” Quasi 80,7 % dis eleitour que son ana vota an respoundu i dous còup « vo », 10,07 % « vo » et« noun», et 4,54 % deux fois « noun ».

Barcelouno a saluda aqueli resultat que son un eisèmplo de démocratio e de voulounta di poples à disposa d’éli. De soun coustat, Madrid a anounça que       n’i-aura pas de negouciacioun suito à aquelo consultatioun qu’es counsiderado  pèr éli coumo ilégalo envèrs la counstitutioun espagnenco.

Pèr remembra, la catalougno qu’a deja forço d’autounomio vòu véni un estat independènt perqué a isouricamen uno identita specifico, reprocho à Madrid de la trop brida e que despuei d’annado e subretout la criso écounoumico, es la Catalogno que pago pèr lou rèsto de l’Espagno.

Causi rèndre pédagogi l’ensignamen al primari_Li vendémi

Aro, l’escolo de la républico  es un pòu  barrado ème li » grando ligno dòu ministèri de l’Educacioun Naciounalo. Mai guaire de gens sabon l’eisistenci d’autri pédagougio dicho « alternativo » coumo pèr eisemple la pédagougio Frenet, li classo en plan èr, en exterior de dòu cloisonnage di classo..

Un eisemplo de proujié de classo que se pòu faire : En Setèmbro, se poù faire un ciclo d’activita sus lou rasin.
Lou dilun, li cous auran pèr tèmo la préparacioun teorico, pèr l’intermediari di cous de leituro en Occitan de l’ativeta pèr permetre de n’en pausa li fondamentau.
Lou dimars, anen en sourtido pédagougico dins uno terro à prousimita de l’escolo pèr i faire li vendemi. Ansin, lis escoulans poden faire d’esport pèr i ana e subretot en reveni,  es tambèn pretest à faire de Descuberto dòu moundo.
Lou dimècre, se poù faire de jus de rasin. Ansin, lis escoulan véson la trasformacioun dòù rasin, la mécanico e estudion li matematico pèr l’intermédiari di peis e mesuro.
Lou Dijòu, se poù ourganisa la visito d’uno cavo. Ansin se pòu veire la trémudenço dòu rasin, la mécanico, l’iniciacioun à la fisico e cimi.
Lou Divèndre se fa la counclusioun de la semano

Li Panisso

Li panisso èron subretot consumado de Toussant. Aro, se pòu toujour trouba à l’Estaco.

Ingrediènt pèr sièis persouno :

_225 gramo de farino de cese                                                                                                                 _1 litro d’aigo                                                                                                                                            _3 cuierado d’òli verge                                                                                                                       _Òli pèr fregiduro                                                                                                                                   _1 grosso cuierado de sau

Praparacioun :

Metre la farino dins uno casseirolo. Cava un pous au mitan. Incorpora la mita de l’aigo frejo lentament en meslcan bèn.

Faire bouli ço que resto d’aigo emé la sau e l’òli e ajusta à la preparacioun.                                      Couire à fiò mejan en tornan lou mescladis enjusco la preparacioun vèngue espesso.            Versa dins un plat à plat alonga (plat à cake) e leissa refreja environ sièis ouro davans de lou coupa en trancho. Pèr acaba, faire fregi à la sartan.

 

La panisso es uno especialita prouvençalo d’ourigino liguro qu’es tipico de Marsiho e de l’Estaco. Es un plat caud que se pòu manja coumo aco, en d’uno salado, en intrado de repas o de mantun autri biais.  

Mirèio: Concèrt liric à Bouleno

Lou dissate 11 outobre, à l’oucasioun de sis « journado musicalo » e pèr acaba « l’annado MISTRAL », la vilo de Bouleno,pèr lou biais dòu Conservatòri de Musico, a facho veni lou quatuòr Chantal Bastide pèr un concèrt liri en francès e prouvençau que poutavo sus Mirèio  de Frédéric MISTRAL e son adaptacioun à l’Operà pèr Charles GOUNOD.

 Lou temps d’uno vesprado, Chantal BASTIDE (Soprano), Jaquelino MAYEUR (Mezo), Jan-Pèire RORRENT (Tenòr), Roudrigo CALDERON (bariton) e Miquèlo VOISINET (Piano) que soun toutis de Cantaire e musician  nacionau o internacionalo nos an fa viure uno poulido e lirico serado emé la Presentacioun e lis eisplicaciouns de l’anciano professor  Ano ALMUNEAU.  Entro dous estrach de la Mirèio de GOUNOD, Mmo ALMUNEAU, coumo à son abitudo de conferencièro musicalo, a forço bèn presenta aquesto obro, son contèxt e lis estrach causi.

Pèr acaba la serado (e pèr lou meme biais l’annado MISTRAL), l’atelié de musico tradiciounalo  dòu Conservatòri a interpreta  souto la direicioun de Patriço COMTE (qu’es lou direitour dòu Conservatòri) la celébro Coupo-Santo qu’es estado represo gaiamen pèr toutis.

L'Espèuto

Li proumieri mencioun d'aquesto cerealo se retrobo dins la Biblo. L'istòri de la pichoto espèuto es estrechamen liado emé aquelo di civilisacioun mediterragno, èro couneigudo dins l'Egipte antico.

Tambèn apelado « blad di Gallés », l'espèuto a de racino prefoundo pèr poudé se desvouloupa sus de terraire pauras, gaire fertilisas e secs. Aquelo es estado abandounado, deleissado, dóu fa de son pichot rendament. A l'ouro d'aro, remeso à l'ounour pèr si prouprieta dietetico.                                                                                                      L'espèuto es cultivado dins lou Sud de l'Éuropo, especialamen en Itàlio ounte elo beneficio d'un labèl IGP. En franço, la pichoto Espèuto d’Auto-Prouvenço (Gavoutino) benefìcio d’uno valourisacioun franceso IGP.                                                                                Aquesto cerealo a di valour nutricionalo eicepciounali : Ela es mai richo en Próteino, mai tambèn en Magnèsi, en Zinc, en Fèrre e en Cuivro que lou blad.                                    

   Aro, en Prouvenço, quauqui desena de productour, que soun recampa dins lou « Sindicat de la pichoto espèuto d’Auto-Prouvenço », recolton quasi 150 tonno de gran, en majo-partido en Agriculturo bioulougico.

Aquesto cerealo es tambèn cultivado en Valonia (Belgico) ounte es usita de pèr la fabricacioun d’uno bièrro especialo, la « Josep ».

Cf pèr mai d'infourmacioun: "Le grand almanach de la Provence 2011",

L’Episòdi Mieterranen de Mount-Pelié

Dilun passa, lou 29 de setèmbre, l’Erau e mai especialamen la régioun de Mount-Pelié es esta plaça en vigilància Rougo pèr un Episòdi Cevenòu ( o mai vertadieramen un épisodo Mieterranen) eiseptiounau ounte en l’espaci d’uno miejournado, mai de 300mm de plueio soun esta relevado.  Aco  a esta a l’óurigino d’un còp d’aigo  dóu Lez qu’a óucasiounado forço degalh (urousamen senso faire de victimo ). Mai, de qu’es aco li causo d’aquesto inoundacioun ?

Li rason soun au noumbro de tres                                                                                                                  e     e        _D’en proumié, un fenomèn atmosferic : La mar Mieterrano à la débuto de l’automno es encaro caudo, ço que favoriso l’esvaporacioun e la fourmatioun de nivoulas. En remonten en direicioun di tèrro, aqueli nivoulas rescontron d’èr fre (fenomèn de depression) e toumbon en precipitations forço intensivo                                                                                                                                                      ee                    _De mai, la plueio es toumbado sus un sòu satura d’aigo pèr li plueio de la semano d’avans qu’a guaire pouscu absorba aquesti plueio.                                                                                                                                                                              _Pèr acaba, l’urbanisacioun massivo que pau à cha pau recobro de bétoun di endrés qu’absorbon d’aigo e de passatge ounte nourmalen l’aigo  dèu  s’esvacua . Aco ne fa qu’agraba la situacioun, subretout dins uno vilho de la tailo  Mount-Pelié.  

Espetacle de la coumpagnié de tiatre « La Rampe »

Dissate passa, dins lou cadre dóu centenàri de la despartido de Mistral e de la 37nco Fèsto prouvençalo ourganisado pèr Parlaren Boulèno, La troupo de tiatre mountpelierenco « La Rampe » (Tiatre Interegiounau óucitan)  s’es producho sus la scèno de la salo Brassens emé soun  Cabaret poétic e musical intitula « MISTRAL TOUT ou RIEN » (qu’es la deviso de la familho Mistral). 

Li cènt cinquanto persouno presènto s’i soun pas enganado.

Lou tems d’uno serado, li tres comedian d’aquesto troupo nous an agrada d’aquesto evoucacioun  de la vido de Frédéri Mistral à travès sèt tablèu (lou Prémi Nobel, La Jouvenço e quand passè Bachelié, Mirèio, Calendau,Lou pouèmo dóu Rose, lou Félibrige, son diciounari o lou museon Arlaten. Aquesto evoucacioun èro en prouvençau e francès tamben  pèr que touti posque coumprene l’espetaclo. Eme gaire de materiau (un piano, uno caisso à maliço e quauquis accessòri), an capita de faire uno pèço pêdagougico e divertissento.  

Sito de la coumpagnié "La Rampe" TIO

Camin d’un jouino en lengo nostro

Quant ère pichounet, entendiéu parla mi gens entre éli dins uno lengo qu’èro pas lou francès e que li gens appelavon «patouès » o « prouvencau d’eici » ; amave d’escouta de musico e de cansoun dePlantevin que me bercavo e me fasié pantaia mai ne coumpreniéu gaire de causo d’aquesto lengo.

 Ai débuta moun aprendissatge de la  lengo nostro  à 8 ans en cous doù sèr à l’escolo félibrenco de moun Viage doù aut Vau-cluso pendent très  annado.  Quant sièu parti au collègi, ai aresta de prendre de cous fauto de tems.  Mai, n’ai jamai arresta  de pratica la lengo e la culturo de mis Avi e sièu rintra à l’atelié de Musico tradiciounali doù counservatori de Boulèno souto la direicioun de Moussu Patriço Comte.

Au licèu, ai agu la fortuno d’èstre dins un di rar licèu a prépausa Provençau (en enseignamen d’exploracion pèr li 2^ndo e en LV3). Au Bacheleirat, ai presenta lou Prouvençau en LV2 (Occitan- Varianto Prouvençau- Grafio Mistralenco) e ai fa pourta moun Travai Persounau Encadra (TPE) sus « Lou déclin di Culturo minouritàri e regiounalo » (ounte ai agu 19/20 i dous).

 A l’ouro d’aro, sièu en prémièro annado de Licencia Occitan/Istori pèr véni proufessour d’occitan e poudé trasmetro aquelo culturo e aquelo lengo i généracioun à veni,

L'afaire doù 15èmo Cors d'Armado

Aquest annada, coummemouren lou centenàri de la debuto de la "grando guerro"

Mai uno fès de mai, i'a de causo que la memori naciounalo se garde bèn de raconta.                  Es lou cas de la batalho de Lagardo e de l'afaire dóu 15^èmo Cors d'Armado. 

Lou 15^èmo Cors d’Armado èro constitua de sóudats prouvençau e dóu Miejour de la Franço.

Sis sóudat, pèr amagar li fauto de coumendamen Francès soun esta tengu pèr responsablo di desfacho di 11 e 21 d’agóust 1914 à Lagardo e la regioun de Dieuze.

Lou 24 d’august, l’acusacioun dóu senator Gervais  dins  lou journau « Le Matin» contro lou 15^èmo CA e li gens doù Miejour prouvoucavo uno criso poulitico entre lou gouvèr e lou Miejour e la disgraci di Miejournen au frònt.

Vuei saben que lis òme dóu 15^èmo soun esta eisemplàri mai un sièclo après, Mariano taise toujou si fauto à sis enfant.